呢幾日蘇拉襲港，呢幾日小編都留咗係屋企做野，本身約咗frd出街都要忍痛cancel（連豬喊）。咁呢個時間就有人問喇，點解我地唔用人類最強嘅武器——核彈放入去颱風嘅風眼引爆，用原子嘅力量摧毁颱風！
小編知道大家上個月睇Oppenheimer睇得好開心，不過都唔好下下都用核彈先得㗎，其實真係唔係一個好嘅idea嚟。
颱風嘅威力
一個成熟嘅颱風可以釋出五至二十萬億瓦嘅功率，亦都大概等於每3秒鐘引爆一個廣島原子彈。係一個颱風嘅壽命之中（就算我地覺得係廢風），都已經平均引爆咗10000個原子彈。
所以其實大自然嘅威力始終係最強大，就算放一個核彈入去風眼，可見嘅作用其實都係好少。
更大嘅問題
颱風風眼其實係一個低氣壓區域，空氣密度比起颱風外圍要細好多。如果要破壞一個颱風，其實係要增加風眼裏面嘅空氣密度。
但係如果係風眼裏面引爆核彈，就只會將空氣推走。所以其實係風眼裏面引爆核彈都唔係一件好有意思嘅事，甚至其實會加強颱風嘅威力。
非常有趣嘅係，美國國家海洋及大氣管理局(noaa)每一年都會收到呢個提問，而局方亦係佢哋嘅網站放咗一個官方答案，而第一段
最後嗰句就係精華：
“Needless to say, this is not a good idea”
Reference: National Oceanic and atmospheric administration (noaa), Quora
コメント